Proxecto de Ortografía en 1º ESO

Este 2º trimestre, os alumnos de 1º da ESO, realizaron un proxecto titulado "Proxecto de Ortografía" tanto na materia de lingua galega coma na de lingua castelá.

Escribir é comunicarmos. Se a ortografía é incorrecta, a mensaxe chegará defectuosa e, polo tanto, a comunicación non será a axeitada.

Unha boa ortografía é a base, ademais do contido, dun texto ben escrito, pero chegar a dominala require de moita práctica. Saber escribir ben é imprescindible á hora de redactar textos formais como solicitudes, instancias, reclamaciós, pero tamén para participar con corrección en blogs, foros e mensaxería en xeral. É por esta razón que no colexio insistimos na súa aprendizaxe e valorámola como algo moi positivo, non só para conseguir uns bos resultados académicos, senón tamén como unha estratexia máis necesaria para a vida, para que os demais os comprendan e como signo da súa futura profesionalidade, pensamento e razoamento ordenado.

Para acadar todo iso, realizaron e aprenderon diversas técnicas que aplicaron en diferentes momentos do trimestre e pensamos seguir aplicando o resto do curso.

Sistemas de Comunicación:

Sistema de comunicación Braille para persoas invidentes.

Sistema de comunicación de Linguaxe de Signos para persoas xordas (LSE)

Sistema Braille

Emprego dunha oveira para a aprendizaxe das letras.

Linguaxe de Signos Español (LSE)

Exercicios de Visualización:

Visualización de palabras: Imaxinar unha palabra visualizándoa e imaxinando a letra difícil máis grande, doutra cor, cambiala de sitio... Imaxinar a palabra escrita no aire e escribir por enriba dela coma se o dedo fora un xiz. Escribir a palabra na palma da man co dedo...

Memoria visual: Realización de exercicios para a mellora da memoria recordando imaxes e palabras.

Ortografía Ideovisual:

Debuxo de letras: Convertir as letras que presentan algunha dificultade en debuxos relacionados co seu significado, para axudar a recordar a súa escrita.