Durante o 2º trimestre os alumnos de 2º da ESO realizaron, de novo este ano, o proxecto "TELEXORNAL" na materia de Lingua Galega. Realizaron unha serie de actividades, reflectidas nun CANVAS, para a consecución do produto final, consistente na grabación dun telexornal onde se tiña que relatar dúas noticias de actualidade, varias de deportes, unha reportaxe do Camiño de Santiago, o Tempo e algún anuncio de TV. Todas estas noticias foros redactadas polos alumnos, empregando para iso o vocabulario a ortografía e gramática estudada en clase así como os diferentes tipos de textos empregrados para cada caso.
Todas as tarefas que realizaron ata a gravación do noticieiro foron realizadas en traballo cooperativo e en grupos de 8 ou 9 alumnos:
- Organigrama para distribuír as diferentes funcións e organizar os tempos para cada tarefa.
- Guións para cada tipo de noticia.
- Investigación sobre o vocabulario necesario para a realización do guión e a elaboración das diferentes actividades do libro de texto do vocabulario sobre "A Administración Pública", "A Igualdade", "O Fútbol e outros deportes", "A Hostelaría", "O Tempo Meteorolóxico" e "A Publicidade".
- Revisión dos guións atendendo ás normas ortográficas e gramaticais estudadas para este proxecto e durante o curso.
- Ensaio preparatorio para correxir os posibles erros antes de gravar.
- Gravación das diferentes noticias coa técnica do Chroma Key.
Creo que o resultado é máis que satisfactorio. Felicidades rapaces e rapazas pola vosa colaboración, polo voso esforzo e polo alto nivel de traballo que amosastes. Espero que o pasárades tan ben coma min.